Foto: Astana ákimdigi
Astana qalasynyń Nura aýdanynda jańa balalar travmatologiialyq pýnkti ashyldy. Bul týraly Astana qalasynyń ákimdigi habarlady.
Qalalyq Densaýlyq saqtaý basqarmasynyń málimetinshe, 2025 jyldyń sońynda elordadaǵy balalar sany 561 myńǵa jetken. Osyǵan deiin Esil jáne Nura aýdandarynda qosymsha balalar travmpýnkti bolmaǵan.
Jańa bólimshe shuǵyl travmatologiialyq kómek kórsetedi jáne zamanaýi meditsinalyq qural-jabdyqtarmen qamtamasyz etilgen.
Búgin Ulttyq shuǵyl meditsinany úilestirý ortalyǵynyń jańa balalar travmatologiialyq pýnkti alǵashqy patsientin qabyldady.
Qalalyq deńgeide balalar jaraqattarynyń sany turaqty túrde artyp keledi. 2025 jyldyń qorytyndysy boiynsha aldyńǵy jylmen salystyrǵanda ótinishter sany 15,8%-ǵa ósip, 97 333-ten 112 775 jaǵdaiǵa deiin jetti.
Halyq sanynyń ósýi jaǵdaiynda qoldanystaǵy travmatologiialyq pýnktter joǵary júktememen jumys isteýde dárigerler kún saiyn 350-den astam kishkentai patsientti qabyldaidy.
