Foto: ashyq derekkóz
Astana qalasynyń prokýratýrasy «Oazis», «R-Club» jáne «R-ClubDeluxe» turǵyn úi keshenderiniń úlestik qurylysyna qatysty qylmystyq isterdi sotqa joldady, dep habarlaidy Ult.kz.
Astana qalasynyń prokýratýrasy úilestirýimen azamattardyń qarajatyn úlestik qurylysqa zańsyz tartý deregi boiynsha júrgizilgen tergeý aiaqtalǵan.
Qadaǵalaý organynyń málimetinshe, is-áreketteri 426-dan astam otbasynyń múddesine 8,2 mlrd teńge kóleminde asa iri zalal keltirýge ákep soqqan adamdar tobyna qatysty qylmystyq ister sotqa jiberildi.
Tergeý barysynda uiymdastyrýshylar Qazaqstan Respýblikasynyń zańnamasyn buza otyryp, tiisti ruqsat qujattaryn almai-aq «Oazis», «R-Club» jáne «R-ClubDeluxe» turǵyn úi keshenderiniń qurylysyna azamattardyń aqshalai qarajatyn tartqany anyqtalǵan. Sonymen qatar jinalǵan qarajat maqsatty túrde paidalanylmaǵan, al qurylys jumystary tiisti deńgeide júrgizilmegen.
Jábirlenýshilerdiń azamattyq talaptaryn qamtamasyz etý úshin sot sanktsiiasymen kúdiktilerdiń múlkine tyiym salyndy. Atap aitqanda, 10 páterge, 36 jer ýchaskesine, 16 turǵyn emes nysanǵa jáne 49 avtokólikke shekteý qoiylǵan.
Qylmystyq is aiasynda 12 kúdiktige qatysty «kúzetpen ustaý» túrindegi bultartpaý sharasy qoldanyldy.
