Foto: Ortcom.kz
QR Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik akademiialyq kontserttik uiymy jyl saiynǵy Roza Baǵlanova atyndaǵy halyqaralyq vokaldyq konkýrsyn ótkizedi.
Aýqymdy mádeni shara Qazaqstannyń jáne KSRO-nyń Halyq ártisi, Halyq QaHarmany, aty ańyzǵa ainalǵan ánshi Roza Baǵlanovanyń shyǵarmashylyǵyna arnalyp otyr.
Is-sharanyń maqsaty – Roza Baǵlanovanyń shyǵarmashylyǵyn nasihattaý, ulttyq jáne álemdik mádeniet pen ónerdiń úzdik dástúrleri men jetistikterin jańǵyrtý, qatysýshylardyń kásibi sheberligin arttyrý jáne yntalandyrý. Sondai-aq, qatysýshylarǵa Roza Baǵlanova repertýaryndaǵy ánderdi sapaly oryndaý talaby qoiylady.
Konkýrsqa qatysýǵa ótinimder 23 aqpan men 8 sáýir aralyǵynda qabyldanady. Atalǵan konkýrs 2 kezeńnen turady:
- 1. I kezeń (irikteý) – 8 sáýirden 17 sáýirge deiin onlain formatta
- 2. II kezeń – 13 mamyr kúni oflain formatta
- 3. Jeńimpazdar men diplom ielerin marapattaý rásimi jáne Gala-kontsert – 14 mamyr kúni ótedi.
Konkýrsqa 18 ben 35 jas aralyǵyndaǵy estrada janrynyń vokalisteri, respýblikalyq jáne halyqaralyq baiqaýlardyń, televokal baiqaýlarynyń qatysýshylary, Qazaqstan Respýblikasy men alys jáne jaqyn shetelderdiń mádeniet jáne óner salasyndaǵy joǵary oqý oryndarynyń stýdentteri qatysa alady.
