Foto: QR MAM
Elordada Qazaqstan, Ońtústik Koreia jáne Resei teatrlarynyń birlesken halyqaralyq jobasy «Parijdegi eki áiel» spektakliniń premerasy ótti, dep habarlaidy Ult.kz.
Qazaqstan tarapynan qoiylymǵa Qalibek Qýanyshbaev atyndaǵy Qazaq ulttyq mýzykalyq-drama teatrynyń ártisteri qatysty. Sonymen qatar spektaklde Reseidiń Stanislavskii atyndaǵy Elektroteatry men Ońtústik Koreianyń PIAC teatrynyń akterleri de óner kórsetedi.
Qoiylym oqiǵasy 1940-jyldary Parij qalasynda órbidi. Siýjet korei halqynyń tuńǵysh kásibi sýretshisi, táýelsizdik jolyndaǵy qozǵalys belsendisi Na He Sok pen Anton Chehovtyń «Shie baǵy» pesasyndaǵy ádebi keiipker Ranevskaia arasynda dialog negizinde qurylǵan. Olardyń simvolikalyq kezdesýi arqyly tarihi oqiǵalar, táýelsizdik úshin kúres jáne jaýapkershilik taqyryptary qozǵalady.
Aita ketsek, spektakldiń premerasy 2025 jyly Seýl qalasynda ótti. Astanadaǵy qoiylym Koreia Respýblikasynyń Elshiligi janyndaǵy Korei mádeni ortalyǵynyń qoldaýymen uiymdastyryldy.
