© Sputnik / Sanat Imangaliev
Astanada Naýryz meiramyna orai aýqymdy dron-shoý ótti, dep habarlaidy qala ákimdiginiń resmi saity.
Qala turǵyndary men qonaqtary qazaqtyń dástúrli murasyn beineleitin jarqyn kompozitsiialaryn tamashalady. Aspanda kiiz úi, taiqazan, shubat quiylǵan tostaǵan, túieli kerýen jáne asyq beineleri kórinis tapty.
Bul obrazdar kóshpeli mádenietti, bereke-birlikti, kúsh-qýat pen ulttyq bolmysty bildiredi.
Sondai-aq, aspanda kóktemniń kelýi men tabiǵattyń jańarýyn aishyqtaityn úsh ólshemdi qyzǵaldaq beinesi paida boldy. Kún men aidyń kórinisteri kún men túnniń teńelgenin meńzeidi.
Shoýdyń sońynda "Naýryz qutty bolsyn!" degen jazý kórsetildi.
Eske salaiyq, Astanada 22 naýryz kúni Naýryz meiramyna arnalǵan aýqymdy is-sharalar jalǵasady. Negizgi alańdarda ulttyq taǵamdar men qolóner buiymdary usynylatyn jármeńkeler men fýd-korttar jumys isteidi, sheberlik saǵattary men dástúrli rásimder kórsetiledi.
Sol siiaqty qazaqsha kúres, sadaq atý, gir sporty, qol kúresi jáne asyq atý boiynsha jarystar uiymdastyrylyp, jeńimpazdarǵa baǵaly syilyqtar tabystalady.
