Foto ©️ Tengrinews.kz / Turar Qazanǵapov
Astanada LRT jobasy boiynsha relsterdi tóseý jáne aialdama beketterin árleý 2025 jyly bastalady. Premer-ministr Oljas Bektenov qurylys qarqynyn tekserdi, - dep habarlaidy «Ult aqparat» úkimettiń baspasóz qyzmetine silteme jasap.
Astana ákimi Jeńis Qasymbek nysannyń daiyndyq deńgeii jáne megapolistiń kólik júiesin odan ári damytý keleshegi týraly baiandady.
"Ctantsiialardyń negizgi temirbeton konstrýktsiialary qurylysyn 2024 jyldyń sońyna deiin aiaqtaý josparlanyp otyr. Kelesi jyly relsterdi tóseý, stantsiialardy árleý jáne jyljymaly quramdardy jetkizetin depo qurylysyn júrgizý, Qabanbai batyr dańǵyly men Qaldaiaqov kóshesi boiyndaǵy estakadalyq bólikti abattandyrý júrgiziledi", - delingen habarlamada.
"City Transportation Systems" JShS basqarma tóraǵasy Asylbek Dúisebaevtyń aitýynsha, barlyq qurylys jumysyn aiaqtaý jáne LRT iske qosý 2025 jyldyń aiaǵyna deiin josparlanǵan.
