Foto: video kadrlarynan
Astanada liftte prank jasaǵan eki er adam qamaýǵa alyndy. Olar tóbelesken bolyp, sońynda jasandy qarý kórsetip, lift ishindegi eki jigitke jalǵan oiyn kórsetken. Video kadrlarynan liftke kezdeisoq kirgen jigitterdiń qarýdy kórgen kezde qatty qoryqqany kórsetilgen, dep habarlaidy Ult.kz Stan.kz-ke silteme jasap.
Áleýmettik jelilerde taratylǵan video kadrlarynda azamat G. A. óziniń sybailasymen lift ishinde qaqtyǵysyp qalady. Sol sátte lift ishinde bul prankten habary joq eki jigit turady. Alǵashynda olar eki adamnyń arasyndaǵy janjaldy toqtatýǵa tyrysady. Alaida yza ústindegi azamattyń biri qaltasynan qarýǵa uqsas zatty alyp shyqqanda ekeýi qatty shoshidy.
Qoiylym barysynda G. A. tipti qarýdy jigitterge qarai taqaidy. Keiin atylǵan dybys shyǵarady. Budan shok alǵan jigitterdiń biri oq tidi eken dep qaita-qaita denesin ustaidy. Al ekinshisi jerge jatyp qorǵanýǵa tyrysady.
Astanada politsiia qyzmetkerleri prankerlerdi "qoǵamdyq tártipti óreskel buzǵany úshin" ustady.
"Mundai áreketter qaitymsyz saldarǵa, sonyń ishinde dúrbeleńge, azamattardyń ál - aýqatynyń nasharlaýyna nemese kýágerlerdiń agressivti reaktsiiasyna ákelýi múmkin", - dep atap ótti politsiia.
Osy fakt boiynsha pranktyń uiymdastyrýshysy ustalyp, politsiiaǵa jetkizildi. Oǵan qatysty ýaqytsha ustaý bólmesine qamaýmen usaq buzaqylyq faktisi boiynsha ákimshilik is qozǵaldy. Is materialdary sotqa jiberildi.
Astana qalasynyń politsiia departamenti qoǵamdyq tártipti turaqsyzdandyratyn mundai zańsyz áreketterdiń qatań jolyn kesetinin eskertti. Politsiia azamattardy jaýapkershilikke, zańdy saqtaýǵa shaqyrdy.
