Foto: newauto.kz
Astanada Toyota Land Cruiser satyp almaq bolǵan turǵyn 20 million teńgesinen aiyryldy. Politsiia málimetinshe, 39 jastaǵy er adam iri kólemdegi alaiaqtyq jasady dep ustaldy, dep habarlaidy Ult.kz.
Tergeý materialdaryna sáikes, kúdikti jábirlenýshiniń senimine kirip, kólikti satyp alamyn dep ýáde berip, aqshany zańsyz iemdengen.
Qazirgi ýaqytta sotqa deiingi tergeý bastalyp, qylmystyń barlyq mán-jaiy anyqtalýda.
Politsiia azamattarǵa saq bolýdy, avtokólik satyp alý-satý kezinde kúmándi usynystardan aýlaq bolýdy jáne iri mámilelerdi tek resmi jolmen jasaý qajettigin eskertedi. Eger siz nemese jaqyndaryńyz alaiaqtyq qurbany bolsa, dereý quqyq qorǵaý organdaryna habarlasý qajet.
