3 sáýir kúni Astanada Qytaidyń jetkizý tizbekterin damytýǵa járdemdesýge arnalǵan 4-shi halyqaralyq kórmesiniń prezentatsiiasy jáne Qazaqstan men Qytai arasyndaǵy jetkizý tizbekteri salasyndaǵy yntymaqtastyq jónindegi seminar (qysqasha – “CISCE”) ótti, dep habarlaidy Ult.kz.
Is-sharany Qazaqstan Respýblikasyndaǵy Qytaidyń halyqaralyq saýdany ilgeriletý komitetiniń (CCPIT) ókildigi Qazaqstannyń Syrtqy saýda palatasy men ICBC (Almaty) qoldaýymen uiymdastyrdy. Sharaǵa Qazaqstannyń saiasi jáne iskerlik ortalarynan 120-dan astam ókil qatysty.
Qytai Halyq Respýblikasynyń Qazaqstandaǵy Tótenshe jáne Ókiletti Elshisi Han Chýnlin óz sózinde CISCE – jetkizý tizbekteri taqyrybyna arnalǵan álemdegi alǵashqy memlekettik deńgeidegi ulttyq kórme ekenin atap ótti.
Onyń aitýynsha, bul alań Qytaidyń ashyq yntymaqtastyq tujyrymdamasyn júzege asyryp, jahandyq óndiristik tizbekterge tereń integratsiialanýǵa yqpal etedi.
"Sonymen qatar, bul tek jańa ónimder, tehnologiialar men qyzmetterdi tanystyratyn alań ǵana emes, sonymen birge jetkizý tizbeginiń barlyq býyndaryn bailanystyratyn jáne qytailyq ári sheteldik kompaniialardyń ózara is-qimylyn kúsheitetin «yntymaqtastyq katalizatory»", - dedi elshi myrzy.
Qazaqstannyń Ulttyq kásipkerler palatasy «Atameken» tóraǵasynyń orynbasary, Qazaqstannyń Syrtqy saýda palatasynyń tóraǵasy Murat Rátuly óz sózinde CCPIT-pen tyǵyz yntymaqtastyqty joǵary baǵalap, CISCE kórmesi halyqaralyq áriptestikti ónerkásip, tehnologiia jáne saýda salalaryndaǵy tereń integratsiiaǵa baǵyttaitynyn atap ótti.
Ol Qazaqstan men Qytai arasyndaǵy iskerlik bailanysty nyǵaitýǵa, óndiristik jáne jetkizý tizbekteri salasyndaǵy yntymaqtastyqty damytýǵa, sondai-aq jańa ósim núktelerin izdeýge daiyn ekenin jetkizdi.
«Almatydaǵy Qytaidyń ónerkásiptik-kommertsiialyq banki» AQ (ICBC) bas direktorynyń orynbasary Liý Inhýa CISCE kórmesi bailanystardy nyǵaitýǵa, yntymaqtastyqty tereńdetýge jáne ózara tiimdi nátijelerge qol jetkizýge yqpal etetin mańyzdy kópir ekenin aitty.
"Bank uzaq ýaqyttan beri kásiporyndarǵa qarjylyq qyzmet kórsetip keledi jáne «kózge kórinbeitin jetkizý tizbegin» odan ári nyǵaitýdy maqsat etedi", - dep otyr Liý Inhýa.
«Bank TsentrKredit» AQ-nyń China Desk biznesin damytý jónindegi jetekshisi Qarlyǵash Myńjasarova úshinshi CISCE kórmesine qatysý tájiribesimen bólisip, sharanyń joǵary deńgeide uiymdastyrylǵanyn, ekspozitsiialardyń mazmuny men nátijelerin joǵary baǵalady.
Qazaqstandaǵy CCPIT ókildigi tórtinshi CISCE kórmesin tanystyryp, aldyńǵy kórmelerdiń jetistikteri, daiyndyq barysy, jańashyl tustary men jetekshi kompaniialardyń tabysty tájiribeleri týraly keńinen málimet berdi. Sonymen qatar, qazaqstandyq saiasi jáne iskerlik qaýym ókilderin kórmege belsendi qatysýǵa shaqyrdy.
Prezentatsiiadan keiin Qazaqstandaǵy CCPIT ókildigi qazaqstandyq uiymdarmen, atap aitqanda «QazExportPromotion» korporativtik qorymen, Qazaqstannyń Syrtqy saýda palatasymen, China-Eurasian Business Council uiymymen, Qazaqstannyń himiia ónerkásibi odaǵymen jáne Almatydaǵy Qytaidyń ónerkásiptik-kommertsiialyq bankimen (ICBC) kórmege qatysý nieti týraly hattar men yntymaqtastyq jónindegi memorandýmdarǵa qol qoidy.
Seminar barysynda Huadian Overseas Investment, Qazaqstandaǵy «Aitsziý» indýstriialyq parki, QR Energetika ministrligine qarasty «Elektr energetikasyn damytý jáne energiia únemdeý institýty» AQ, sondai-aq Qazaqstannyń maily daqyldardy óńdeýshiler ulttyq qaýymdastyǵynyń ókilderi energetika jáne aýyl sharýashylyǵy siiaqty salalardaǵy óndiristik jáne jetkizý tizbekteri boiynsha Qazaqstan men Qytai yntymaqtastyǵyn talqylap, pikir almasty.
