Foto: ashyq derekkóz
Astanada politsiia brendtik taýarlarǵa qatysty kásipkerlerdi bopsalaǵan kúdiktini ustady, dep habarlaidy Polisia.kz.
Astanada tanymal brendtik taýarlarmen bailanysty alaiaqtyq jasady degen kúdikpen 33 jastaǵy er adam ustaldy. Ol aldyn ala oilastyrylǵan shema boiynsha áreket etken.
"Kúdikti jalǵan senimhattar jasap, ózin Qazaqstan aýmaǵyndaǵy túrli brendterdiń resmi ókili retinde tanystyrǵan. Osy syltaýmen kásipkerlerge habarlasyp, olardyń qyzmetinen zań buzýshylyqtar anyqtalǵanyn aitqan. Aldaý men qysym kórsetý arqyly ol satýshylardan aqshalai qarajat talap etip, "máseleni sheship berýge" jáne ónimdi satý barysynda qiyndyqtarǵa jol bermeýge ýáde bergen", - deidi politsiiada.
Bir ǵana epizod boiynsha shyǵyn kólemi 300 myń teńgeden asqan.
Qazirgi ýaqytta politsiia qyzmetkerleri osyndai tórt alaiaqtyq deregin tirkedi. Jedel-izdestirý kezinde kúdiktiniń kim ekenin anyqtap, politsiiaǵa jetkizildi. Tergeý júrip jatyr.
