Búgin Astanada QR Qarjy ministrliginiń ǵimaratynda tótenshe jaǵdai bolyp, qyzmetkerler evakýatsiialandy, dep habarlaidy "Ult aqparat" BNews.kz-ke silteme jasap.
Saǵat 8:30-da avtomatty órt sóndirý júiesi iske qosylǵany týraly habarlama kelip túti. Bul týraly kýágerler de áleýmettik jelide jazǵan bolatyn.
«Kýágerler tútin týraly habarlaǵan, alaida shyn mánisinde 5-6 qabattyń terezesinen aerozoldy tozań shyǵyp jatyr. Sebebi avtomatty órt sóndirý júiesi iske qosyldy», - dep málimdedi QR IIM TJK resmi ókili Rýslan Imanqulov.
Qazirgi tańda tútin nemese órt baiqalmaidy. Oqiǵa ornyna Saryarqa aýdany boiynsha TJ basqarmasynyń qyzmetkerleri attandy. Olar órt sóndirý júiesiniń neden iske qosylǵanyn tekseredi. Ázirge evakýatsiialanǵan qyzmetkerler ishke kirgen joq.
