Video kadry
Astanada jedel járdem qyzmetkerine qol kótergen er adamǵa qatysty qylmystyq is qozǵaldy. Bul týraly qalalyq Politsiia departamentiniń baspasóz qyzmeti habarlady.
Oqiǵa jedel járdem brigadasy saýda ortalyǵyna shaqyrtý boiynsha barǵan kezde bolǵan. Dárigerler kelgen jerde mas kúide bolǵan eki er adam otyrǵan. Olardyń biri ózin jaisyz sezinetinin aityp shaǵymdanǵan.
Meditsina qyzmetkerleri qajetti kómekti kórsetip, ketpek bolǵan sátte er adamdardyń biri feldsherge qol kótergen. Oqiǵa kýágerleri politsiia shaqyrǵan.
Kúdikti ustalyp, ýaqytsha ustaý izoliatoryna qamaldy.
Politsiia ókilderiniń aitýynsha, jedel qyzmetterdiń qyzmetkerlerine qarsy agressiia men kúsh qoldaný áreketterine qatań shara qoldanylady.
Aita keteiik, 7 naýryzdan bastap Qazaqstanda Qylmystyq kodekske engizilgen ózgerister kúshine endi. Endi meditsina qyzmetkerlerine kúsh kórsetý nemese qoqan-loqy jasaǵandarǵa jaza kúsheitildi.
