Foto: ashyq derekkóz
Astana qalasynyń prokýratýrasy elordadaǵy meditsinalyq uiymdardyń birinde biýdjet qarajatyn jymqyrý deregin anyqtady, dep habarlaidy Ult.kz.
Tekserý barysynda emhananyń burynǵy basshylyǵy uzaq ýaqyt boiy azamattardy emdeýge arnalǵan qarajatty zańsyz shyǵarý shemasyn uiymdastyrǵany belgili boldy. Qarajattar jaqyn týystary men úlestes tulǵalardyń esepshottaryna aýdarylyp, zańdy qarjylyq operatsiialar retinde búrkemelengen.
Tergeý derekterine sáikes, jymqyrylǵan qarjynyń bir bóligi qymbat turmystyq tehnika satyp alýǵa jáne Italiiaǵa týristik saparlarǵa jumsalǵan.
Aldyn ala esep boiynsha memleketke keltirilgen zalal 675 million teńgeden asady.
Atalǵan fakti boiynsha Astana qalasynyń prokýratýrasy Qylmystyq kodekstiń 189-baby 4-bóligi (asa iri mólsherde jymqyrý) boiynsha sotqa deiingi tergep-tekserýdi bastady.
Qazirgi ýaqytta is aiasynda elorda prokýratýrasynyń arnaiy prokýrorlary tergeý áreketterin júrgizip jatyr.
