Elordada jol apaty saldarynan adam ólimi oryn aldy, dep habarlaidy "Ult aqparat".
Búgin shamamen 12 saǵat 18 minýtta «SHACMAN» markaly avtokóliginiń 34 jastaǵy júrgizýshisi qala jaqtan Astrahan tasjoly boiymen Talapker aýylyna qarai kele jatyp, joldyń júrý bóliginde aldyn ala tiisti orynǵa turmai, manevr kezinde bir baǵytta kele jatqan «Nexia» markaly avtokóligimen soqtyǵysty.
Nexia kóliginiń rýlinde 52 jastaǵy júrgizýshi bolǵan.
Jol apaty saldarynan «Nexia» markaly avtokóliginiń júrgizýshisi alǵan jaraqatynan oqiǵa ornynda kóz jumdy.
Atalǵan fakti boiynsha qylmystyq is qozǵaldy.
Nur-Sultan qalasynyń politsiia departamenti jol qozǵalysy erejelerin qatań saqtaý kerektigin eskertedi.
Júrgizýshiler jolda múmkindiginshe muqiiat bolýy kerek.
