Osy demalys kúnderi elordanyń mádeni mekemeleri qala turǵyndary men qonaqtary úshin kórmeler, qoiylymdar, ekskýrsiialar, kontsertter sekildi aýqymdy is-sharalar daiyndap otyr. Olardyń basym bóligin onlain rejimde kórýge bolady, dep habarlaidy "Ult aqparat".
Nur-Sultan ákimdiginen málim etkendei, Qýyrshaq teatry kórermenderdi qazaq halqynyń «Er Tóstik» ertegisiniń jelisi boiynsha ótetin qoiylymǵa shaqyrady. Qoiylym 26, 27 maýsym kúnderi saǵat 12:00, 14:00 jáne 16:00-de ótedi.
Sáken Seifýllin murajaiy bir apta boiy Instagram-daǵy paraqshada qazaq jazýshysynyń ómiri týraly tanymdyq aqparattar jariialaidy. Olardyń arasynda «Sákentanýshy tulǵalar» aidarynan zertteý, S.Sefýllinniń «Taý ishinde» ániniń tarihy týraly beinerolik, «Sáken jáne Alash» maqalasy, «Tar jol, taiǵaq keshý» romany týraly qyzyqty aqparattar, sondai-aq murajai boiynsha beineekskýrsiia bar.
M. Gorkii atyndaǵy Memlekettik akademiialyq orys drama teatry búgin, iaǵni 26 maýsym saǵat 18:00-de «Gogol.Peterbýrg» premerasyn qoiady.
Beibitshilik jáne kelisim saraiynyń Atriým zalynda búgin QR Táýelsizdiginiń 30 jyldyǵyna arnalǵan halyqaralyq fotokórme ótedi.
Táýelsizdik saraiynda QR Táýelsizdiginiń 30 jyldyǵyna orai «Nur-Sultan beineleri» atty kórme, «Elordaǵa arnalǵan syilyqtar» kádesyilarynyń ekspozitsiiasy ashyldy.
Sonymen qatar, demalys kúnderi «Demalys promenade» alleiasynda otbasylyq demalysty qyzyqty jáne kóńildi ótkizýge bolady. Búgin munda fitnes jattyǵýlar uiymdastyrylady. Al erteń ioga, zýmba, latynamerikalyq bi, stritbol jattyǵýlaryna qatysa alasyz.
Búgin jáne erteń saǵat 12.00-13.30 aralyǵynda Affari aýmaǵynda Beibitshilik jáne kelisim saraiy men «Jastar» saraiynyń balalar ujymdary óner kórsetedi. Art space aimaǵynda Tatar mádeni ortalyǵy Sabantoi merekesin ótkizedi.
«Jastar» teatry 26 maýsym kúni saǵat 20:00-de S.Dúisenbievtiń «Mahabbat miniatiýralary» atty teatrlandyrylǵan kontserttik baǵdarlamasyn qoiady.
Demalys kúnderi alleiada dástúrli jármeńkeler, kitap kórmeleri, sondai-aq balalarǵa arnalǵan túrli interaktivter ótkiziledi.
Aita ketý kerek, oflain formatta uiymdastyrylatyn is-sharalardyń bári sanitarlyq normalardy saqtai otyryp ótkiziledi.
