Foto: Densaýlyq saqtaý ministrligi
Astanada dárigerler úsh ailyq qyzdan miyndaǵy alyp kólemdi isikti alyp tastady, dep habarlady densaýlyq saqtaý ministrligi.
Sábidiń anasy aitqandai, qyz bala ýaqytynda týylyp, qalypty damydy. Alaida, eki ailyǵynda jii qusý, embeý, terisiniń kógerýi jáne qatty mazasyzdyq simptomdary paida bolǵan.
Ýltradybystyq zertteýde tóbe-qaraqus aimaǵynda suiyqtyq túzilýi anyqtalyp, keiinirek júrgizilgen KT sol jaq tóbe bóliginde kólemdi isikti rastaǵan. Sodan keiin MRT midyń fýnktsionaldy mańyzdy aimaqtarynda ornalasqan 5,6× 4,2 sm kólemindegi isikti kórsetti.
"Isikti alyp tastaýdy biz mikrohirýrgiialyq ádispen jasadyq. Qazir qyz bala operatsiiadan keiingi emdeýden ótip jatyr jáne ózin jaqsy sezinedi. Quspaidy jáne jalpy jaǵdaiy jalpy jaqsaryp keledi", - dedi Ulttyq neirohirýrgiia ortalyǵynyń Balalar neirohirýrgiiasy bólimshesiniń meńgerýshisi, professor Ǵabit Óleńbai.
Ǵabit Óleńbaidyń aitýynsha, operatsiia óte kúrdeli boldy. Óitkeni isik balanyń miynyń jartysyna jýyǵyn alyp jatty, qan joǵaltý qaýpi óte joǵary boldy.
