Nur-Sultan qalasynda «Atyraý» jaiaý júrginshiler kópiri jóndeý jumystaryna jabylady, dep habarlaidy "Ult aqparat".
Eske salaiyq, kópirdi elordanyń 20 jyldyq mereitoiyna orai Atyraý oblysy salyp, syiǵa tartqan bolatyn. Kópirge joǵarydan qaraǵanda, onyń pishini Atyraý oblysynyń simvoly sanalatyn balyqqa uqsaidy.
Onyń jalpy uzyndyǵy - 313,5 metr, eni - 10,5 metr. Kópirde jaiaý júrginshilerge arnalǵan alty metrlik jolaq, velosipedshilerge arnalǵan úsh metrlik jolaq, sondai-aq eni 0,5 metr bolatyn qaýipsizdik jolaǵy jáne 0,5 metrlik sharbaqty qorshaýǵa arnalǵan eki jolaq bar. Kópir jabyndysy úshin litakril paidalanylǵan. Bul nysan aýa raiy jaǵdaiy eskerile otyryp salynǵan. Ony jobalaǵanda jeldiń áseri de esepke alynǵan. Salmaǵy - 1920 tonna.
Atyraý oblysynyń eks-ákimi Nurlan Noǵaevtyń aitýynsha, kópir qurylysy 6 mlrd teńgege baǵalanǵan.
