Foto: polisia.kz
Astana qalasynda 83 jastaǵy zeinetker internet-alaiaqtardyń qurbany bola jazdady. Elordalyq politseiler men bank qyzmetkerleriniń qyraǵylyǵynyń arqasynda keiýana iri somany aýdarýdan aman qaldy, dep habarlaidy Ult.kz.
Aldyn ala málimetke sáikes, qart áiel áleýmettik jeliden «joǵary tabys tabýǵa bolady» degen jalǵan jarnamany kórgen. Alaiaqtar ony sendirý úshin halyqaralyq aqsha aýdarymy arqyly qarajat jiberý qajet ekenin aityp, keiin «jumysqa ornalastyrý» úshin qosymsha tólem suraǵan.
Jalǵan aqparatqa sengen zeinetker 1300 eýrony aýdarý úshin bank bólimshesine barǵan. Alaida bólimshe qyzmetkerleri kúmándi jaǵdaidy birden baiqap, politsiiaǵa habar bergen.
Astana qalalyq politsiia departamenti qyzmetkerleri dereý kelip, bolǵan jaǵdaidy túsindirgen. Nátijesinde zeinetker alaiaqtarǵa aqsha jiberýden bas tartty. Sonymen qatar tártip saqshylary áieldiń týystaryna da habar berip, qaýipsizdik sharalaryn túsindirgen.
Politsiia ókilderiniń aitýynsha, sońǵy ýaqytta áleýmettik jeli arqyly taraityn jalǵan tabys týraly jarnamalar kóbeigen. Ásirese alaiaqtar qart adamdardy nysanaǵa alyp otyr. Osyǵan bailanysty quqyq qorǵaý organdary bank bólimshelerinde profilaktikalyq jumystardy kúsheitip, qyzmetkerlerge mundai jaǵdailarda erekshe qyraǵylyq tanytýdy eskertken.
