Foto: Inform.kz
Astanada 8 naýryz – Halyqaralyq áielder kúni qarsańynda mádeni, sporttyq, áleýmettik jáne qaiyrymdylyq baǵyttaǵy aýqymdy merekelik baǵdarlama uiymdastyrylady, dep habarlaidy Ult.kz.
Is-sharalar 5–10 naýryz aralyǵynda teatrlar men kontsert zaldarynda, mýzeilerde, kitaphanalarda, sport keshenderinde, bilim berý uiymdarynda jáne qalanyń qoǵamdyq keńistikterinde ótedi.
5 naýryz
Baiqońyr aýdanynda «Ainadaǵy arý» interaktivti installiatsiialyq jobasy uiymdastyrylady. Qaladaǵy adam kóp jinalatyn oryndarǵa ornatylǵan áshekeili ainalar arqyly áielderdiń sulýlyǵy men merekelik kóńil kúii dáripteledi.
Sondai-aq Qoshqarbaev kóshesi, 29/1 mekenjaiyndaǵy Belsendi uzaq ómir súrý ortalyǵynda «Kelin eneniń topyraǵynan» baiqaýy ótedi.
№10 mektep-gimnaziiasynda Baiqońyr aýdany memlekettik mekemelerinde jumys isteitin áielder arasynda voleibol týrniri uiymdastyrylady.
Ál-Farabi atyndaǵy Oqýshylar saraiynda ulttyq sán úlgileriniń «Moda FEST» defilesi ótedi.
6 naýryz
Saǵat 11:00-den 19:00-ge deiin elordada kontsertter, ádebi-mádeni keshter, sheberlik sabaqtary, sporttyq jarystar jáne onlain jobalar ótedi.
Almaty aýdanynyń memlekettik mekemelerinde jumys isteitin áielder arasynda Qoǵamdyq tamaqtandyrý jáne servis kolledjiniń sport kesheninde voleibol týrniri uiymdastyrylady.
Erekshe bilim berýdi qajet etetin balalar úshin Balalar kórkemsýret mektebi «Ananyń beinesi» respýblikalyq onlain sýret baiqaýyn ótkizedi.
Saraishyq aýdanynda zeinetkerler arasynda toǵyzqumalaq týrniri uiymdastyrylady.
Baiqońyr aýdanynda «Shynaiy alǵys – júrekten shyqqan syi» atty kontserttik baǵdarlama ótedi.
Sintez izdenis-eksperimenttik teatrynda «Arýlar asyl jandar» poeziialyq keshi uiymdastyrylady.
Saǵat 15:00-de Óner mýzeiinde «Anaǵa taǵzym – arýǵa qurmet» kontserti ótedi.
Saǵat 19:00-de «Naz» memlekettik bi teatry «Aiaýly ana» kontsertin usynady.
Sol ýaqytta E. Rahmadiev atyndaǵy Memlekettik akademiialyq filarmoniiada «O chem poiýt mýjchiny» kontserti ótedi.
«Memlekettik arhiv» ǵimaratynda «Saǵynysh qońyraýy» is-sharasy uiymdastyrylady.
7 naýryz
Qala aýmaǵynda áielderge gúl taratý aktsiiasy ótedi.
№108 mektepte Esil aýdanynyń áiel muǵalimderi arasynda voleibol týrniri uiymdastyrylady.
Nura aýdany mektepteriniń muǵalimderi arasynda ulttyq oiyndardan (toǵyzqumalaq, bes asyq, armrestling, láńgi tebý) jarystar ótedi.
Saǵat 18:00-de Ázerbaijan Mámbetov atyndaǵy Memlekettik drama jáne komediia teatrynda «Kelinder kóterilisi» spektakli qoiylady.
Saǵat 19:00-de «Jastar» teatry «Janarymdaǵy jalǵyz áýen» atty teatrlandyrylǵan kontserttik baǵdarlamasyn usynady.
Áleýmettik jelilerde «Janymda júr jaqsy adam…» virtýaldy kórmesi jariialanyp, «Ot mýjchin. S ývajeniem» chellendji bastalady.
7–8 naýryz kúnderi Saraishyq aýdanynda turǵyndarǵa qyzǵaldaq taratý aktsiiasy uiymdastyrylady.
8 naýryz
Saraishyq aýdanynda aýdan ákiminiń qatysýymen saltanatty jiyn ótedi.
Onlain formatta mektep hor ujymdarynyń «Anaǵa arnaý» atty merekelik chellendji uiymdastyrylady.
10 naýryz
Saryarqa aýdanynda «Úmit» daǵdarys ortalyǵynda turǵyndar arasynda «Kóńildi starttar» sporttyq jarysy ótedi.
Elorda ákimdigi merekelik is-sharalar áielderdiń qoǵamdaǵy rólin dáripteýge, analar men arýlarǵa qurmet kórsetýge jáne turǵyndarǵa kóterińki kóńil kúi syilaýǵa baǵyttalǵanyn atap ótti.
