Foto: gov.kz
Astana ortalyǵynda dáret syndyrǵan eki sheteldikke bes jyl merzimge Qazaqstanǵa kirýge tyiym salyndy, dep habarlaidy qalalyq politsiia departamenti.
Áleýmettik jelide sheteldik azamattyń Dostyq kóshesi boiyndaǵy mekemelerdiń biriniń mańynda dáret syndyrǵany jaily video tarady.
"Politsiia qyzmetkerleri qoǵamdyq tártipti buzǵandardyń kim ekenin anyqtady. Olar 35 jáne 49 jastaǵy shetel azamattary bolyp shyqty. Olar Qazaqstan Respýblikasynyń aýmaǵynan ketip úlgergen. Soǵan qaramastan kinálilerge bes jyl merzimge Qazaqstanǵa kirýge tyiym salyndy", - deidi politsiia.
Osy fakt boiynsha Ishki ister ministrligi bul adamdarǵa qatysty tiisti sharalar qabyldaý úshin Syrtqy ister ministrligin habardar etti.
