COVID-19-ben kúresý maqsatynda áskeri meditsina qyzmetkerlerin alshaqtaǵy aýdandarǵa jiberý qarastyrylyp jatyr. Óitkeni, koronavirýs indetiniń jańa túri keń taralýyna bailanysty, barlyq meditsinalyq mekemelerde oryn jetpei, halyqtyń densaýlyǵy kúrt kúsheiip ketken. Osyǵan orai, áskeri bólimder men mekemeler qajetti qorǵanys quraldarymen jáne meditsinalyq múlikpen qamtamasyz etilip, epidemiiaǵa qarsy jáne sanitarlyq-profilaktikalyq is-sharalar ótkizilip jatyr, - dep habarlaidy «Ult aqparat».
Osy oraida, QR Qorǵanys ministrligi áskeri dárigerler azamattyq uiymdarda qyzmet atqaratyn áriptesterine kómekke kelýge ázir ekenin aitty. QR QK Bas áskeri-meditsinalyq basqarmasy sanitarlyq-epidemiologiialyq qadaǵalaý basqarmasynyń bastyǵy polkovnik Álbek Manabaevtyń aitýynsha, eldegi ahýalǵa bailanysty áskeri mamandardy da meditsian salasynda qyzmet etýge kúsh jumyldyrý kerek. Ásirese, áskeri gospitaldardaǵy áskeri meditsina mamandarynyń tapshylyǵy sezilip otyrǵan kórinedi.
«Biz áskeri dárigerlerdi jan-jaqqa qyzmet etýge jiberýdi jón kórip otyrmyz. Óitkeni, ózderińizge belgili, Qorǵanys ministrligi elimizdiń tynyshtyǵyn ǵana emes, halyqtyń densaýlyǵyna da qyzmet etýge ázir. Sol sebepti, bizge qarasydy dárigerleri shetki aýyl-aimaqtardaǵy aǵaiynǵa kómektessin, alǵashqy meditsinalyq járdemdi bersin degen maqsatpen osyndai sheshimge kelip otyrmyz. Nátijesin aldaǵy ýaqytta kóre jatarmyz. Qazir eń bastysy nátije emes, halyqtyń densaýlyǵy dep oilaimyn», - dedi ol.
Biyl kóktemde Almaty men Nur-Sultanda áskeri gospitalder bólinse, Elordadaǵy Bas áskeri klinikalyq gospitali shilde aiynan bastap koronavirýspen syrqattanǵandardy emdeýdi bastaǵan bolatyn.
«Almaty, Taldyqorǵan jáne Úsharaldaǵy úsh áskeri-emdeý mekeme azamattardy qabyldaýǵa ázir. Aýrýdyń aýyr aǵymy bar naýqastar kelip túsken jaǵdaiǵa jansaqtaý bólimsheler daiyn. Olar ókpeni jasandy jeldetý apparattarymen, pýlsoksimetrlermen, ottegi kontsentratorlarymen jáne basqa da jabdyqtarmen jabdyqtalǵan», – deidi QR QK Bas áskeri-meditsinalyq basqarmasy sanitarlyq-epidemiologiialyq qadaǵalaý basqarmasynyń bastyǵy polkovnik Álbek Manabaev.
Al Almatydaǵy bas áskeri klinikalyq gospitaldiń bólim bastyǵy Madiiar Serikbaevtyń aitýynsha, koronavirýs áskeri qyzmetkerlerdi de ainalyp ótpepti. Áskeri qupiia boiynsha, neshe jaýyngerdiń aýyrǵandyǵy jariia aitylmaid. Tek olardy jáne azamattyq turǵyndardy emdeýge Qorǵanys ministrliginiń eki myńǵa jýyq meditsina qyzmetkeri tartylǵany belgili.
«Bizdiń bas áskeri klinikalyq gospital provizorlyq statsionar retinde jumys isteýde. Sondai-aq 40 stantsiiada ornalasqan jataqhana qyzmet kórsetýde. Almaty, Taldyqorǵan qalasynda áskeri gospitaldar koronovirýsqa shaldyqqan naýqastardy emdeý úshin qoldanylýda. Biz eshkimdi bólip jarmaimyz. Kelgen naýqastardy jedel járdemmen jatqyzamyz», - dedi Almatydaǵy bas áskeri klinikalyq gospitaldiń bólim bastyǵy Madiiar Serikbaev.
Osy oraida, aita keteiik, Sanitarlyq-epidemiologiialyq ortalyqtyń eki filialy – «Astana» men «Batysta» mamandardyń sany artyp, olardyń quramyna epidemiologtar, virýsologtar, bakteriologtar men zerthanashylar engizildi. Aiagóz, Taldyqorǵan, Saryózek jáne Semeidiń áskeri gospitaldarynda qosymsha tórt infektsiialyq izoliator jumys isteidi. Nur-Sultan men Almatyda eki statsionarlyq PTR-zerthana, sondai-aq Aqtaý men Semeide PTR-testileýdi ótkizý múmkindigi bar mobildi zerthanalyq keshender jumys isteidi.
Esterińizge sala keteiik, COVID-19-ben kúresý maqsatynda áskeri meditsina qyzmetkerlerin alshaqtaǵy aýdandarǵa jiberý qarastyrylyp jatyr. Osyǵan orai, áskeri bólimder men mekemeler qajetti qorǵanys quraldarymen jáne meditsinalyq múlikpen qamtamasyz etilip, epidemiiaǵa qarsy jáne sanitarlyq-profilaktikalyq is-sharalar ótkizilip jatyr. QR Qorǵanys ministrligi áskeri dárigerler azamattyq uiymdarda qyzmet atqaratyn áriptesterine kómekke kelýge ázir ekenin aitty. Biyl kóktemde Almaty men Nur-Sultanda áskeri gospitalder bólinse, Elordadaǵy Bas áskeri klinikalyq gospitali shilde aiynan bastap koronavirýspen syrqattanǵandardy emdeýdi bastaǵan bolatyn.
