QR Premer-Ministri Asqar Mamin aldaǵy jyly Qazaqstannyń Soltústik jáne Shyǵys óńirlerin gazben qamtý josparyn ázirleýdi mindettedi, dep habarlaidy QazAqparat.
«Osy jyldyń sońyna deiin otyn-energetika keshenin damytýdyń 2030 jylǵa deiingi jańartylǵan tujyrymdamasy qabyldansyn. «QazTransGaz»-ben birge 2022 jylǵy 1 sáýirge deiin elimizdiń soltústik jáne shyǵys óńirlerin gazdandyrý máselesi boiynsha keshendi jospardy ázirleýdi qamtamasyz etsin. Úshinshiden, Energetika ministrligi Ulttyq ekonomika ministrligimen, «Samuryq-Qazyna» qorymen jáne jeke energiia óndirýshi uiymdarmen birlesip, elektr stantsiialaryn jańǵyrtý men jańalaryn salýdy qarjylandyrý mehanizimin ázirlesin», - dedi Asqar Mamin Úkimet otyrysynda.
Sondai-aq, Premer-Ministr aldaǵy jyly birqatar ónerkásipti iske qosý kerektigin mindettedi.
«Samuryq-Qazyna» qorymen birlesip, 2022 jylǵy 1 sáýirge deiin polipropilen óndirý zaýytyn iske qosýdy qamtamasyz etsin, sondai-aq Atyraý oblysynda polietilen óndirý jónindegi jobany iske asyrýdy bastasyn. Odan bólek, jańartylatyn energiia kózderin paidalanýdyń úlken áleýetiniń bolýyn eskere otyryp, Qazaqstanda «jasyl energetikany» damytý jónindegi jumysty jandandyrý qajet», - deidi ol.
