Qabyldanǵan is-sharalardyń arqasynda pandemiianyń syn-qaterlerin eńserdik. Bul týraly búgin Úkimet otyrysynda QR Premer-Ministr Asqar Mamin aitty, dep habarlaidy QazAqparat.
«Pandemiia jalǵasyp, virýstyń jańa shtamdary paida bolyp jatyr. Virýs jahandyq ekonomikaǵa túbegeili ózgerister engizýde. Aldaǵy ýaqytta pandemiia jaǵdaiynda jumysty jalǵastyrý qajet. Jalpy qabyldanǵan is-sharalardyń arqasynda biz pandemiianyń syn-qaterlerin eńserdik. Shekteýler jaǵdaiynda áleýmettik-ekonomikalyq turaqtylyqtyń saqtalýyn, jumyssyzdyqtyń kúrt ósýine jol berilmeýin jáne halyqtyń tabysynyń azaimaýyn qamtamasyz ete aldyq», - degen Asqar Mamin áriptesterine eńbekteri úshin alǵys bildirip, kele jatqan Jańa jyl merekesimen quttyqtady.
