Búgin densaýlyq saqtaý ministri Aleksei Tsoi Qazaqstanda Ashyq jobasyna qosylǵan nysandardy yntalandyrylatynyn aitty. Bul úshin Densaýlyq saqtaý ministrligi «Atameken» kásipkerler palatasymen birge joba liderlerin yntalandyrý kriteriilerin ázirlegen, - dep habarlaidy «Ult aqparat».
Ministrdiń aitýynsha, bul ádis elorda men respýblikalyq mańyzy bar qalalardyń erekshelikterin eskeredi.
"Jobanyń oń tiimdiligin eskerip, «Atameken» kásipkerler palatasymen birge joba liderlerin yntalandyrý kriteriileri ázirlendi. Kóshbasshylar qyzmet túrine bailanysty eki apta boiy nysandaǵy tirkelý sany boiynsha anyqtalady. Bul ádis elorda men respýblikalyq mańyzy bar qalalardyń erekshelikterin eskeredi", - dedi Densaýlyq saqtaý ministri Aleksei Tsoi.
«Atameken» QR Ulttyq Kásipkerler palatasy Basqarma Tóraǵasynyń Birinshi orynbasary Nariman Ábilshaiyqov Almaty siiaqty kásiptiń qalasyna ainalǵan iri qalada bul joba óz tiimdiligin kórsetpek. Onyń aitýynsha, eldiń qazirgi jaǵdaiynda eshqandai áreketke táýekel etýge bolmaidy.
«Ózderińizge belgili, sońǵy eki jyl kásip salasyna da ońai tigen joq. Sonda da joqtan bar jasaýǵa, eldegi shaǵyn jáne orta biznestiń aqsap qamaýyna barynsha jaǵdai jasaýǵa tyrysyp baqtyq. Al Densaýlyq saqtaý ministrligi «Atameken» kásipkerler palatasymen birge áz»rlegen. joba liderlerin yntalandyrý kriteriileri eki apta boiy nysandaǵy tirkelý sany boiynsha anyqtalady», - dedi «Atameken» QR Ulttyq Kásipkerler palatasy Basqarma Tóraǵasynyń Birinshi orynbasary Nariman Ábilshaiyqov.
Esterińizge sala keteiik, eldegi koronavirstyq jaǵdaiǵa bailanysty Ashyq eGov mobile qosymshasynda qoljetimdi boldy. Ásirese, kásip salasynda mindettelip jatqan bul baǵdarlama QR-kodty skanerleý arqyly da qyzmet etip jatyr.
Buǵan deiin QR Bas memlekettik sanitarlyq dárigeriniń «Nur-Sultan, Almaty qalalaryndaǵy, Qaraǵandy jáne Aqmola, Aqtóbe, Jambyl, Almaty oblystary, kásipkerlik obektilerinde «Ashyq» mobildi qosymshasyn engizý boiynsha pilotty ótkizý týraly» qaýlysy sheńberinde «Ashyq» pilottyq jobasyn iske asyrý bastalǵanyn habarlaǵan bolatynbyz.
Bul joba kásipkerlik nysandaryn: fitnes-klýbtardy, spa-ortalyqtardy, saýnalardy, basseinderdi, kompiýterlik klýbtar men boýling-klýbtardy tolyq jabýdyń balamasy retinde jáne olardyń jumystaryna shekteýlerdi ishinara alyp tastaý úshin iske qosyldy. Osylaisha, Biznes sýbektisi - jobaǵa qatysýshy qabyldanyp jatqan sanitariialyq sharalarǵa qosymsha baqylaýdy qamtamasyz etedi. Jobanyń taǵy bir artyqshylyǵy-kelýshiler men qyzmetkerlerdiń qaýipsizdigin qamtamasyz etý, óitkeni barlyq azamattar qoǵamdyq oryndarda ózin-ózi oqshaýlaý rejimin saqtamaidy jáne osylaisha virýstyń taralý qaýpin týdyrady.
Sonymen qatar, ministr lider mártebesin alǵan qatysýshylar jumys ýaqyty men sharttary boiynsha qosymsha jeńildikterge ie bolatynyn atap ótti.
«Ashyq jobasyna týristik sala nysandary, bilim ortalyqtaryn, balalar saýyqtyrý uiymdaryn engizý máselesi pysyqtalyp jatyr. Búginde Ashyq jobasyna qatysýshylar sany 8 myńnan asady. Sońǵy eki aptada mobildi qosymshany paidalanýshylar sany 1,4 millionnan 2 millionǵa deiin ósti», - dedi ministr.
Esterińizge sala keteiik, Búgin densaýlyq saqtaý ministri Aleksei Tsoi Qazaqstanda Ashyq jobasyna qosylǵan nysandardy yntalandyrylatynyn aitty. Bul úshin Densaýlyq saqtaý ministrligi «Atameken» kásipkerler palatasymen birge joba liderlerin yntalandyrý kriteriilerin ázirlegen. Ministrdiń aitýynsha, bul ádis elorda men respýblikalyq mańyzy bar qalalardyń erekshelikterin eskeredi.
