Shyǵys Qazaqstan oblysynda «qyzyl» mártebesi bar birneshe turǵyn HQO-ǵa kirmek bolǵan, dep habarlaidy "Ult aqparat".
QR Bas memlekettik sanitar dárigeriniń qaýlysyna sáikes, 14 maýsymnan bastap elimizdegi HQO-lar kelýshilerdi Ashyq qosymshasy arqyly qabyldap jatyr.
Teris nemese beitarap mártebesi bar azamattar memlekettik qyzmetterdi kezeksiz ala alady.
Al «sary» nemese «qyzyl» mártebesi barlar ortalyqqa kirgizilmeidi.
«Qazirgi ýaqytta Shyǵys Qazaqstandaǵy HQO-lar Ashyq qosymshasy arqyly jumys isteýde. Joba qosylǵannyń birinshi kúninde ǵana-aq qyzyl nemese sary mártebesi bar 20-dan astam adam anyqtaldy. Olarǵa memlekettik qyzmetter kórsetilmedi», - dep habarlady «Azamattarǵa arnalǵan úkimet» ShQOF baspasóz qyzmeti.
Esterińizge sala ketsek, osyǵan deiin Shyǵys Qazaqstan oblysyndaǵy 11 nysan Ashyq jobasynan shyǵarylǵanyn habarlaǵan bolatynbyz.
