Keshe Nursultan Nazarbaev halyqaralyq áýejaiynda Ashyq qosymshasyna qatysty oryn alǵan keleńsiz oqiǵaǵa qatysty áýejai basshylyǵy túsinikteme berdi, dep habarlaidy QazAqparat.
«Qazirgi ýaqytta keleńsiz jaǵdaidyń mán-jaiy anyqtalyp jatyr. Belgilisi, jolaýshy Ashyq qosymshasy arqyly tekserýden ótýin talap etken áýejai qyzmetkeriniń ótinishine dórekelik tanytqan. Iaǵni eskertýdi elemegen jolaýshy áýejai qyzmetkerine qarsy qol jumsady. Oqiǵa ornynan izin sýytqan jolaýshyǵa biz óz tarapymyzdan izdeý saldyq. Endigi áreket aiyptyny taýyp, sotqa berip, jolaýshyny ákimshilik jaýapqa tartatyn bolamyz, - dedi Nursultan Nazarbaev halyqaralyq áýejaiynyń atqarýshy direktory Dáýlet Hamzin tilshilerge bergen suhbatynda.
Onyń aitýynsha, áýejai qyzmetkeri aýyr zardap shekpegen, tek jeńil dene jaraqatyn alǵan.
«Bul jerde qyzmetker óz mindetin oryndady. Beinebaqylaý arqyly biz daýysty ajyrata almaimyz, biraq áreketke qarap áriptesimizdiń óz mindetin tiisinshe atqaryp, máseleni kikiljińsiz sheshýge tyrysqany baiqalady», - deidi ol.
