«Ashyq» qosymshasyn paidalaný tájiribesi sport stadiondaryna da taratylady. Bul týraly Atameken QR UKP Basqarma tóraǵasynyń orynbasary Iýliia Iakýpbaeva aityp berdi, dep habarlaidy QazAqparat.
«Nur-Sultan jáne Almaty áýejailary «Ashyq» boiynsha jumys istep jatyr. Indýstriia jáne infraqurylymdyq damý ministrliginiń Azamattyq aviatsiia komitetimen, kóliktegi sanitarlyq dárigermen jáne Tsifrlyq damý ministrligimen birlesip aralap shyqtyq, barlyǵy jumys istep tur. Kezek joq. Osy qurylǵan protsester mysalynda «Ashyq» jobasynyń basqa nysandarda da taralý múmkindigi bar», - dedi Iu. Iakýpbaeva Ortalyq kommýnikatsiialar qyzmetinde ótken brifingte.
Atap aitqanda, «Astana-Arena» stadionynda match ótti. Bul karantinnen keiingi alǵashqy aýqymdy shara, bir stadionǵa 6 myń adam jinalǵan. Olardy eki saǵat boiy kirgizgen jáne bir «sary» mártebe anyqtalǵan.
«Azamattardyń ótý protsesin tolyǵymen teńestire alsaq, bul tájiribeni basqa arenalarǵa da tarata alamyz jáne kelýshilerdi 20-dan 30 paiyzǵa deiin arttyra alamyz dep úmittenemiz», - dep atap ótti Iu. Iakýpbaeva.
Eske sala ketsek, keshe elordadaǵy «Astana-Arena» stadionynda jergilikti «Astana» jáne almatylyq «Qairat» arasynda oiyn ótti. Qalanyń bas sanitarlyq dárigeriniń sheshimimen oiynǵa «Ashyq» qosymshasy arqyly stadion syiymdylyǵy 20% aspaityn kórermenderdiń bolýyna ruqsat etildi.
