Almatyda Ashyq mobildi qosymshasynyń kómegimen QR-kody arqyly skanerleý boiynsha ruqsat etilmegen jerge barýǵa tyrysqan 1449 turǵynnyń «qyzyl» mártebesi rastaldy, dep habarlaidy "Ult aqparat".
Almatyda koronavirýs taralýyn boldyrmaý jónindegi jedel shtabtyń derekteri boiynsha, 9 sáýir men 1 shilde aralyǵynda QR-kod arqyly mártebeni skanerleý kezinde 1449 turǵynnan «qyzyl», 370 almatylyqtan «sary» statýs anyqtaldy.
«Ashyq jobasy boiynsha jumys isteitin kásipkerlik nysandarynyń kire beristerindegi skanerleý nátijesi 716 turǵynnyń «qyzyl», 189 turǵynnyń «sary» mártebesin rastady. Aita keterligi «qyzyl» mártebesi bar 157 jáne «sary» mártebesi bar 40 turǵyn fitnes ortalyqtary men basseinderge kirýge tyrysqan. Monsha men saýnada «qyzyl» mártebesi bar 39 adam, «sary» mártebesi bar 9 adam anyqtaldy. Kinoteatrlardyń kire beristerinde «qyzyl» mártebesi bar 71 turǵyn, «sary» mártebesi bar 34 adam anyqtaldy. Qoǵamdyq tamaqtaný oryndarynda «qyzyl» mártebesi bar 286 jáne «sary» mártebeli 56 turǵyn anyqtaldy. Al Almatynyń áýejaiyna «qyzyl» mártebedegi 89 jáne «sary» mártebeli 21 adam kirýge tyrysqan.
Alaida, nysanǵa barmai, skanerleý nátijesinde, iaǵni úide oqshaýlanǵandardyń ishinde 733 turǵynnyń «qyzyl», 181-iniń «sary» mártebeleri rastaldy.
Anyqtalǵanyndai, olar qoǵamdyq oryndarǵa, onyń ishinde basseinderge, saýnalarǵa, kafeler men meiramhanalar barýǵa tyrysqan.
