Nursultan Nazarbaev halyqaralyq áýejaiy Ashyq mobildi qosymshasy arqyly nátijeli jumys istep tur, dep habarlaidy "Ult aqparat" áýejaidyń baspasóz qyzmetine silteme jasap.
Ashyq jobasyn iske asyrýdyń alǵashqy kúninde Nursultan Nazarbaev halyqaralyq áýejaiynyń qyzmetkerleri «sary» mártebesi bar 4 jolaýshyny, «qyzyl» mártebesi bar 2 jolaýshyny anyqtady.
Algoritmge sáikes, «qyzyl» mártebesi bar jolaýshylar jedel járdem kelgenge deiin oqshaýlanyp, sodan keiin aýrýhanaǵa jatqyzyldy.
12 mamyrdan bastap Nursultan Nazarbaev halyqaralyq áýejaiynda Ashyq jobasy tolyqqandy iske qosyldy.
«Biz búkil jolaýshyǵa (kim ushyp shyǵady) áýejaiǵa kelmes buryn qosymshany júktep alyp, óz mártebesin tekserý kerek ekenin eskertkimiz keledi. Terminal ǵimaratyna «sary» jáne «qyzyl» mártebesi bar jolaýshylar jiberilmeidi. Reiske jiberilmegen jaǵdaida qarajatty qaitarý jónindegi máseleni áýe kompaniiasyna joldaǵan jón» delingen habarlamada.
Ashyq qosymshasyndaǵy aqparat Densaýlyq saqtaý ministrliginiń jalpy bazasymen integratsiia arqyly keledi jáne jolaýshynyń qazirgi ýaqytta virýstyń tasymaldaýshysy bolyp tabylmaityndyǵyn anyqtaidy.
Kidiris jasamas úshin qosymshany aldyn ala ornatyp, mártebeńizdi aldyn ala bilýińiz kerek.
Áýejai qyzmetkerleriniń ailaq ǵimaratyna kireberiste plansheti bar. Smartfony joq jolaýshylar óz JSN-in qyzmetkerlerdiń planshetine engizip, óz mártebesin bile alady.
JSN joq sheteldik jolaýshylarǵa keletin bolsaq, olar óz mártebesin áýejai qyzmetkerleriniń planshetindegi tólqujat nómiri arqyly teksere alady.
