Aqtóbede koronavirýs infektsiiasyn juqtyrǵan 21, olarmen bailanysty bolǵan 67 adam karantin rejimin saqtamady, dep habarlaidy "Ult aqparat".
«Ashyq» jobasy arqyly «qyzyl» mártebesi bar 21, «sary» mátebesi bar 67 adamnyń úi karantini talabyn saqtamaǵany anyqtaldy. Koronavirýs infektsiiasyn juqtyrǵandar men olarmen bailanysta bolǵan adamdar kóbine qoǵamdyq tamaqtaný oryndaryna barǵan.
«Ashyq» qosymshasyna qatysty barlyq suraq boiynsha Aqtóbe oblysynyń kásipkerler palatasyna habarlasý qajet. Biznesti «Ashyq» jobasyna belsendi qatysýǵa, onyń sharttaryn saqtaýǵa jáne osy joba beretin artyqshylyqtardy paidalanýǵa shaqyramyz», - dedi Óńirlik kásipkerler palatasynyń direktory Sulýpan Shyntasova.
Aityp óteiik, Aqtóbe oblysy boiynsha 488 biznes sýbektisi «Ashyq» jobasymen jumys isteidi. Nysandar tizimi oblys ákimdiginiń saitynda jariialanyp, jańartylyp otyrady.
