Aýyl sharýashylyǵy vitse-ministri Nurbek Daiyrbekov Qazaqstanda áleýmettik mańyzy bar azyq-túlik boiynsha tapshylyq joqtyǵyn málim etti, dep habarlaidy "Ult aqparat".
«Koronovirýs indeti elimizdiń azyq-túlik qaýipsizdigi, onyń ishinde halyqty ýaqtyly jáne turaqty azyq-túlikpen qamtamasyz etý – qazirgi kezde eń negizgi máseleniń biri ekenin kórsetip berdi. Qazirgi tańda Aýyl sharýashylyǵy ministrligimen quramyna áleýmettik mańyzy bar 32 azyq-túlik taýary boiynsha (qoi eti, shujyq ónimderi, jylqy eti, konserviler (et-ósimdik), qiiar, burysh, azyq-túliktik bidai, salqyndatylǵan jáne muzdatylǵan balyq, ashana qyzylshasy, shoshqa eti, qyzanaq, sarymsaq, alma) óńirlerge monitoring júrgiziledi», - dedi Nurbek Daiyrbekov OKQ-da ótken baspasóz máslihatynda.
Vitse-ministrdiń aitýynsha, óńirlerdiń jedel derekterine sáikes 24 shildede respýblikada 708,5 myń tonna azyq-túlik taýarlarynyń qory jinaqtalǵan. Onyń ishinde turaqtandyrý qorlarynda 33,1 myń tonna, óndirýshi kásiporyndarda 209,5 myń tonna, qoimalarda 154,6 myń tonna, saýda jelilerinde 311,4 myń tonna azyq-túlik ornalastyrylǵan. Budan basqa 404 mln dana jumyrtqa jáne 2,1 mln tonna azyq-túlik bidai saqtalǵan.
«Qolda bar ónim qorlary - tez buzylatyn ónimder boiynsha qorlar bir aptaǵa, basqalary boiynsha birneshe aiǵa deiin quraitynyn kórsetedi. Azyq-túlik óndirisi toqtatylmaidy. Qorlar únemi jańartylyp, tolyqtyrylyp otyratynyn atap ótken jón. Sondyqtan olar boiynsha tapshylyq joq», - dedi ol.
