Elorda ákimi Áset Isekeshev aqsha suraityn mektepter problemasyn jeke baqylaýyna almaq. Bul týraly ol búgin Astana qalasy bilim qyzmetkerleriniń Tamyz keńesinde málimdedi, dep habarlaidy BNews.kz tilshisi.
«Bilim mekemeleri balalardy mektepke qabyldaý kezinde «oryn joq» dep syltaýratyp, aqsha suraityny týraly áleýmettik jelide jii aitylady. Osyndai problemalarmen kezdesken qala turǵyndary tikelei maǵan habarlasa alady», - dedi ákim.
Elorda basshysy Facebook áleýmettik jelisinde «Astana bilimi» paraǵynyń ashylǵanyn da atap ótti. Onyń aitýynsha, jelide qalalyqtarǵa bilim bóliminiń qyzmetkerleri kómekke keledi.
«Men ózim de Facebook-tiń bul paraqshasyn baqylap otyramyn. Barlyq ustazdar qaýymyn sol jerde pikir almasýǵa shaqyramyn. Meniń oiymsha, bul eń tiimdi ádis», - dedi Isekeshev.
Sóz sońynda elorda basshysy bilim baǵdarlamalarynyń ázirlemesin baqylaýda ustaýǵa jáne jaýapty tulǵalarǵa qatysty qajetti sharalardy qabyldaýǵa ýáde berdi.
