ShQO-da Áset Naimanbaiuly atyndaǵy «Injý-marjan» III - respýblikalyq dástúrli oryndaýshylar baiqaýy óz sońyna jetti. El táýelsizdiginiń 25 jyldyǵyna arnalǵan baiqaýda elimizge tanymal óner qairatkerleri tórelik etip, jeńimpazdardy anyqtady.
Ulttyq mádeni qundylyqtardy nasihattaýǵa baǵyttalǵan baiqaýǵa elimizdiń 9 aimaǵynan kelgen kelgen 20-dan astam dástúrli ánshiler qatysty. Marapat rásimi barysynda ShQO ákiminiń orynbasary Jaqsylyq Omar qatysýshylarǵa alǵysyn bildirip, keler jyly Á. Naimanbaiuylynyń 150 jyldyǵy joǵary deńgeide ótkiziletindigin jetkizdi.
– Á. Naimanbaiuly alashtyń án ozdyrǵan óte taǵdyrly ánshilerdiń biri. Onyń ǵibrat pen tarihqa toly ómirine qarai otyryp, qazaqtyń basyndaǵy keibir ózekti máselelerdi baiqaimyz. Osynyń barlyǵyn erteń halyq murasy retinde osy ánshiler jetkizip, dástúrimizdi nasihattamaq, – dedi Jaqsylyq Omar.
Baiqaýdyń qorytyndysy boiynsha III oryndy almatylyq, aktóbelik jáne Úrjar aýdanynyń ánshileri ielendi. Al II jáne I oryndy shyǵysqazaqstandyq qatysýshylar alsa, baiqaýdyń bas júldesi Aqmola oblysynan kelgen Asqar Muqiiattyń qanjyǵasyna bailandy.
Sonymen qatar, shara aiasynda Úrjar aýdandyq ákimdiginiń usynysymen Úrjar aýdanynda ornalasqan Á. Naimanbaiuly atyndaǵy ádebi-memorialdyq murajaiynyń direktory Áben Taiǵynulyna «Úrjar aýdanynyń qurmetti azamaty» ataǵy berildi. Shara elimizge tanymal óner maitalmandarynyń qatysýymen ótken gala-kontsertpen jalǵasyn tapty
"Ult aqparat"
