Foto: Nasa
NASA resmi saitynyń habarlaýynsha, búgin, iaǵni 11 sáýir kúni «Orion» ǵarysh kemesiniń ekipajy otyrǵan kapsýla AQSh-tyń Kaliforniia shtatyndaǵy San-Diego jaǵalaýyna jaqyn Tynyq muhityna qonǵan. Olardy sol jerde AQSh Áskeri-teńiz kúshteriniń USS John P. desanttyq kemesi kútip alǵan.
Ekipajdyń Aiǵa baǵyttalǵan sapary 1 sáýir kúni bastaldy. 10 kúnge sozylǵan missiia barysynda NASA ǵaryshkerleri Rid Ýaismen, Viktor Glover jáne Kristina Kýk, sondai-aq Kanadanyń ǵarysh agenttiginiń ǵaryshkeri Djeremi Hansen Aiǵa jetip, jerden eń alys qashyqtyqqa ushý boiynsha rekord ornatqan. Sondai-aq birqatar ǵylymi tájiribeler júrgizip, aman-esen Jerge oralǵan.
Bul - Aiǵa baǵyttalǵan 54 jyldan keiingi sátti aiaqtalǵan missiia. Buǵan deiin 1972 jyly Apollo 17 Moon landing missiiasy júzege asyrylǵan.
«Artemida-2» missiiasy AQSh-tyń basty ai baǵdarlamasyndaǵy sheshýshi qadamy bolyp otyr. Mundaǵy basty maqsat – baǵdarlama negizinde 2028 jyly «Artemida-4» missiiasyn júzege asyrý arqyly Ai betine alǵash ret adam qondyrý.
