Armeniiada óte qiyn jaǵdai qalyptasty, biz koronavirýstyń ekinshi tolqynymen betpe-bet kelip otyrǵanymyzdy aita alamyz. Bul týraly brifing barysynda Armeniia premer-ministri Nikol Pashinian málimdedi, dep habarlaidy QazAqparat.
«Shyn mánisinde, koronavirýstyń ekinshi tolqynymen betpe-bet kelip otyrǵanymyzdy aita alamyz. Birneshe kún boiy komendatýramen bekitilgen erejeler qalyptasqan ahýalǵa qanshalyqty sáikes keletinin jáne olardyń ámbebaptylyǵyn talqylap kelemiz. Pikirtalastarymyzdyń túiini bir – qabyldanǵan shekteýler jaǵdaiǵa sáikes keledi jáne mazmuny jaǵynan tiimdi. Bizdiń talqylaýlarymyzdyń qorytyndysy bir mándi: qabyldanǵan shekteýler jaǵdaiǵa sáikes keledi jáne olardyń mazmuny jaǵynan da tiimdi. Ókinishke orai, osy erejelerdi saqtaýda problemalar bar», - dep atap ótti brifing barysynda Nikol Pashinian.
Osyǵan bailanysty, premer-ministrdiń aitýynsha, Armeniiada komendatýra belgilegen erejelerdi saqtaý boiynsha ákimshilik sharalar kúsheitiledi.
Óz kezeginde vitse-premer, TJ rejimi kezindegi komendant Tigran Avinian azamattarǵa epidemiiaǵa qarsy normalardy qatań saqtaý qajettigi týraly eske saldy.
Armeniia Densaýlyq saqtaý ministrligi Aýrýdy baqylaý jáne alddyn alý jónindegi ulttyq ortalyqtyń málimetinshe, 26 mamyrǵa deiin elde koronavirýs infektsiiasyn juqtyrǵan 7402 jaǵdai tirkelgen, olardyń 3220-sy saýyǵyp shyqty. 4052 patsient em qabyldaýda. 91 naýqas qaitys boldy.
Eske sala keteiik, koronavirýs infektsiiasyna bailanysty Armeniiada 16 naýryzdan bastap TJ rejimi engizilgen bolatyn.
Keiin TJ rejimi 13 maýsymǵa deiin uzartyldy.
25 mamyrdan bastap halyq maska taǵyp júrý rejimine kóshti. Tek jabyq oryndarda ǵana emes, ashyq jáne qoǵamdyq jerlerde maska taǵý mindetteldi.
