Foto: egemen.kz
Tarazda mektep-internat pedagogy áriptesiniń jala japqany úshin sotqa júginip, ar-namysy men qadir-qasietin qorǵap shyqty, dep habarlaidy Ult.kz.
Is materialdaryna sáikes, janjal 2024 jyldyń qyrkúieginde bastalǵan. Mektep qyzmetkeri direktorǵa áriptesi týraly shaǵym túsirip, ony «ósek taratatyn, tárbieshilerge jala jabatyn ári kóp mólsherde aqsha jinaityn jemqor» dep sipattaǵan. Alaida mektep ákimshiligi júrgizgen ishki tekseris bul aiyptaýlardy rastamaǵan.
Sot saraptamasy da bul málimetterdiń shyndyqqa janaspaitynyn jáne talap qoiýshynyń bedeline nuqsan keltirgenin anyqtady.
Nátijesinde sot jaýapkerdi kináli dep tanyp, talap qoiýshynyń paidasyna 100 myń teńge kóleminde moraldyq ótemaqy tóleýge mindettedi.
