Qazaqstan 2030 jylǵa deiin Araldyń tuzdy tabanyndaǵy 1,1 mln gektar aýmaqqa sekseýil ekpekshi, dep habarlaidy "Ult aqparat".
Bul týraly halyq aldynda eseptik kezdesýinde Ekologiia, geologiia jáne tabiǵi resrýrstar ministri Maǵzum Myrzaǵaliev Araldyń tabanyndaǵy tuzdy shańdy azaitý máselesine de toqtaldy.
«Aral teńiziniń keýip qalǵan ornyna sekseýil egý jeke másele deýge bolady. 1990-2021 jyldar aralyǵynda 195 myń gektar (qańsyǵan aýmaqtyń 9%-y) jerge sekseýil otyrǵyzyldy. Birneshe apta buryn atalǵan aýmaqqa arnaiy ekspeditsiia shyǵyp, egilgien aǵashtardy tekserip qaitty. Qazir ondaǵy sekseýildiń alqaby 337 myń gektarǵa jetken. Memleket basshysynyń tapsyrmasy boiynsha biz sekseýil egýdiń keshendi baǵdarlamasyn ázirlep jatyrmyz. 2021-2030 jyldary 1,1 mln ga jerge sekseýil egý josparlanǵan», - dedi vedomstvo basshysy.
Maǵzum Myrzaǵaliev Almatydaǵy Sulpak dúkeniniń 11 aǵashty zańsyz kesýi zańnamanyń ózgerýine túrtki bolǵanyn eske saldy.
«Zańnamaǵa aiyppuldardy ulǵaitý jáne buzýshylarǵa sanktsiialardy qatańdatý bóliginde ózgerister men tolyqtyrýlar engizildi. Osylaisha, Qyzyl kitapqa engizilgen árbir zańsyz kesilgen aǵash úshin ziiandy óteý mólsheri 6-dan 1000 AEK-ke deiin ulǵaityldy. Budan basqa, ákimshilik jáne Qylmystyq kodeksterge orman qorynda jáne qalalar men eldimekender sheginde aǵashtardy jáne butalardy zańsyz keskeni, joiǵany jáne zaqymdaǵany úshin quqyq buzýshylarǵa aiyppuldardy ulǵaitý jáne sanktsiialardy qataitý bóliginde ózgerister engizildi», - degen ministr «Ósimdikter álemi týraly» Zań jobasy ázirlengenin, qazir ol qujattyń Májilistiń qaraýynda jatqanyn atap ótti.
