Aqtóbe qalasyndaǵy Áliia Moldaǵulova atyndaǵy halyqaralyq áýejaidyń veterinariialyq baqylaý beketine Daniia Koroldiginen qyzyl dat tuqymdy 148 bas iri qara jetkizildi, dep habarlaidy ult.kz.
Qazaqstanǵa jiberilgenge deiin janýarlar elimizdiń veterinariialyq-sanitariialyq talaptaryna sáikes 21 kúndik karantindik baqylaýdan ótti.
Qazirgi ýaqytta mamandar ilespe veterinariialyq qujattardy tekserýde. Kelesi kezeńde janýarlarǵa fizikalyq tekserý júrgiziledi. Bul rette janýarlardyń densaýlyq jaǵdaiy, birdeilendirý nómirleri jáne usynylǵan qujattardyń belgilengen talaptarǵa sáikestigi tekseriledi.
Veterinariialyq baqylaý nátijeleri oń bolǵan jaǵdaida, iri qara Batys Qazaqstan oblysynyń Báiterek aýdanynda ornalasqan «Arystanov» sharýa qojalyǵyna jetkiziledi.
