29 mamyrda bes oblys aýmaǵynda aptap ystyq bolady. Kei óńirlerde jel kúsheiip, burshaq jaýady, tuman túsýi yqtimal, dep habarlaidy "Ult aqparat" Qazgidrometke silteme jasap.
29 mamyrda Qazaqstannyń basym bóligi joǵary qysym aýmaǵynda bolǵandyqtan, jaýyn-shashynsyz aýa raiy kútiledi. Tek elimizdiń soltústiginde jáne soltústik-batysynda tsiklon yqpalynan kei jerlerde ótkinshi jańbyr jaýady, naizaǵai oinap, daýyl kútiledi, burshaq jaýýy múmkin. Kei jerlerde jel kúsheiedi, ońtústikte shańdy daýyl saqtalady, ońtústik-batysta – tuman túsedi.
Soltústik Qazaqstan oblysynyń kei jerlerinde daýyl soǵady, burshaq jaýady, jeldiń jyldamdyǵy 15-20 m/s, kúndiz jeldiń ekpini 25 m/s jetedi. Túnde jáne tańerteń tuman túsýi múmkin.
Jambyl, Túrkistan, Qostanai, Aqmola, Shyǵys Qazaqstan, túnde Almaty, kúndiz Qyzylorda, Batys Qazaqstan, Pavlodar, Qaraǵańdy oblystarynyń kei jerlerinde jeldiń kúsheiip jyldamdyǵy 15-20 m/s jetedi.
Jambyl oblysynda shańdy daýyl soǵady.
Mańǵystaý oblysynyń kei jerlerinde tuman túsýi múmkin.
Atyraý, Aqtóbe, Mańǵystaý oblystarynyń kei jerlerinde, Qostanai oblysynyń ońtústiginde, Batys Qazaqstan oblysynyń ońtústik-shyǵysynda qatty aptap ystyq bolady.
Pavlodar, Shyǵys Qazaqstan, Qyzylorda, Aqmola oblystarynyń kei jerlerinde óte joǵary órt qaýpi saqtalady.
