El óńirlerinde qurylǵan jumys toptary dári-dármek baǵasyna monitoring júrgizedi, dep habarlaidy QazAqparat.
«Árqaisysymyzda dárihanadan dári-dármek taba almaý, qymbattatyp satý, tanys arqyly satyp alý jaǵdaiyna tap bolǵan týys, tanysymyz bar. Keibir azamat dári-dármekterdi aldyn ala satyp alyp, qymbattatyp satýda. Búginnen bastap osyndai faktilerdi anyqtap, monitoring júrgizemiz. Jumys tobynda Densaýlyq saqtaý basqarmalary, Básekelestikti qorǵaý jáne damytý komitetiniń departamentteri bolady» - dedi «Adaldyq alańy» respýblikalyq jobalyq keńseniń jetekshisi Tólegen Baiǵulov tikelei efir barysynda.
Onyń aitýynsha, jumys toby dári-dármek baǵasyna monitoring júrgizedi.
«Dárini qymbatqa qai dárihanadan, qandai baǵaǵa alǵany týraly foto jáne video túrindegi aqparatty WhatsApp arqyly bizge jiberýge bolady. Ár óńirde «Adaldyq alańy« bar. Kelgen aqparat qai óńirge qatysty bolsa, sol óńirdegi jemqorlyqqa qarsy qyzmetke jiberip, tekserý jumystaryn júrgizip, sebebin anyqtaimyz. Osy apta sońyna deiin bárin qalypqa keltiremiz, sáikesinshe dúrbeleń de sonymen toqtaidy. Jumysty búgin bastaimyz», - deidi ol.
