Shymkentte ózin QR Sybailas jemqorlyqqa qarsy is-qimyl agenttigi basqarmasynyń basshysy retinde tanystyryp júrgen azamatqa qatysty qylmystyq is qozǵaldy, dep habarlaidy "Ult aqparat".
Áleýmettik jelide kólikke mingen úsh er adam týraly video taralýda. Qozǵalys ústindegi mashinany politsiia kóligi qýyp jetip, toqtatady. Kóliktiń artqy jaǵynda otyrǵan jolaýshy politseimen sóilesýge túsip, kóp uzamai qaita oralady. Aitýynsha, politseige «korochkany» kórsetken. «Ol menimen amandasý úshin toqtatty», - dep qosady jolaýshy.
QR Sybailas jemqorlyqqa qarsy is-qimyl agenttigi videoǵa qatysty túsinik berdi.
«Atalǵan azamat eshqashan Antikor qyzmetkeri bolǵan emes jáne qazir de qyzmet atqarmaidy.
Aǵymdaǵy jyldyń 2 maýsymynda onyń Shymkent qalasynyń turǵyny, azamat Q. ekeni anyqtaldy. Qazirgi ýaqytta oǵan qatysty QR Qylmystyq kodeksiniń 385-baby 3-bóligi (qujattardy qoldan jasaý) boiynsha qylmystyq is qozǵaldy», - dedi agenttikten.
Vedomstvo azamat Q. qoldan jasap alǵan jalǵan kýáliktiń ózin de kórsetti.
