Foto: Pexels.com
Qazaqstanda qoǵamdyq baqylaýdy kúsheitý maqsatynda iske qosylǵan «Sybailas jemqorlyqqa qarsy volonterlik» jobasy tiimdi nátijelerge qol jetkizýde, dep habarlaidy Ult.kz.
Eriktiler jol qurylysy men áleýmettik máselelerdiń sheshimin baqylaýǵa, sondai-aq biýdjet qarajatynyń tiimsiz jumsalýyn boldyrmaýǵa belsendi qatysyp keledi. Qazirgi tańda bul qozǵalysqa shamamen 2,5 myń adam jumyldyrylǵan.
Jobanyń arqasynda memlekettik satyp alýda 15,2 milliard teńge kóleminde artyq shyǵynnyń aldyn alyndy. Mysaly, Almaty qalasynda eriktiniń usynymy boiynsha jyljymaly elektrotehnikalyq zerthananyń satyp alý baǵasy 45 million teńgege tómendetildi. Túrkistan oblysynda eriktiler balalar úiiniń tárbielenýshilerin meditsinalyq uiymdarǵa bekitý máselesin kóterip, tiisti fýnktsional engizildi.
Sondai-aq eriktiler avtojol qurylystaryn da jiti qadaǵalaýda. Abai oblysynda jol jóndeý barysynda belgisiz jumystar anyqtalyp, ýaqytyly áreket etý nátijesinde olqylyqtar joiyldy. Elordalyq eriktilerdiń baqylaýymen topyraq sapasy da jaqsartyldy.
Sybailas jemqorlyqqa qarsy eriktiler áleýmettik máselelerdi sheshýge kómektesýge jáne qoǵamdyq baqylaýdy arttyrýǵa baǵyttalǵan jumystaryn jalǵastyrýda.
