Antaliia áýejaiynda pandemiiaǵa qarsy is-áreket sharalary aiasynda SOVID-19 testileý zerthanasy ashyldy, dep habarlaidy "Ult aqparat" «Anadoly» agenttigine silteme jasap.
Buǵan deiin habarlaǵanymyzdai, 1 shildege qarai Túrkiianyń barlyq iri áýejailarynda koronavirýs infektsiiasynyń bar-joǵyn anyqtaityn test ortalyqtary ashylǵan, qalǵan áýe ailaqtarynda mundai nysandar 15 shildeden bastap jumys istemek. Eldiń mádeniet jáne týrizm ministri Mehmet Nýri Ersoidyń málimetinshe, «Qaýipsiz týrizm» sertifikatyn alýǵa Túrkiianyń 727 qonaqúii men 900 meiramhanasy ótinish jasaǵan.
Eske sala keteiik, 20 maýsymnan bastap Qazaqstannan Túrkiiaǵa, Qytaiǵa, Ońtústik Koreiaǵa, Tailandqa, Grýziia men Japoniiaǵa ushatyn halyqaralyq reister qaita ashylǵan bolatyn.
11 maýsymda Túrkiia Iranmen qurlyqtyq shekarany qospaǵanda, túrik jáne shetel azamattarynyń elge kirip-shyǵýyna ruqsat berdi.
21 maýsym kúni Túrkiiaǵa uzaq ýaqyttaǵy karantinnen keiin Almaty-Antaliia baǵytyndaǵy alǵashqy qazaqstandyq reis ushqan edi.
Belgili bolǵandai, tórt jolaýshydan koronavirýs anyqtaldy. Qazir olar Antaliia qalalyq aýrýhanasynda jatyr.
