Foto: ashyq derekkóz
Qazaqstan Respýblikasy Saýda jáne integratsiia ministrligi Soltústik Qazaqstan oblysy boiynsha Saýda jáne tutynýshylardyń quqyqtaryn qorǵaý departamenti tutynýshylardyń paidasyna mańyzdy sot sheshimi qabyldanǵanyn málimdedi, dep habarlaidy Ult.kz.
Petropavl qalasynyń №2 soty departamenttiń jeke kásipkerge qatysty talap aryzyn tolyq qanaǵattandyrdy. Sot sheshimimen jaýapkerden jábirlenýshi azamattardyń paidasyna 5,38 mln teńge óndirildi.
Iske 2025 jylǵy 25 qazanda Qostanai qalasynda ótýi tiis bolǵan Akmal kontsertine bilet alǵan azamattardyń shaǵymdary negiz bolǵan. Is-shara ótpegenimen, uiymdastyrýshy tutynýshylarǵa qarajatty tolyq qaitarmaǵan.
Sot barysynda kóptegen azamattardyń aqshany tolyq kólemde almaǵany anyqtaldy. Kásipkerge sotqa deiingi talap joldanǵanymen, zańbuzýshylyqtar joiylmaǵan.
Tutynýshylardyń onnan astamynyń quqyǵy buzylǵandyqtan, departament belgisiz tulǵalar tobynyń múddesin qorǵaý úshin sotqa júgingen.
Vedomstvo ókilderi bul sheshim tutynýshylardyń quqyqtaryn qorǵaýdyń tiimdi tetigi bar ekenin kórsetetin mańyzdy tájiribe ekenin atap ótti. Sonymen qatar kásipkerler qandai qyzmet túrin usynsa da, onyń ishinde onlain platformalar arqyly, óz mindettemelerin tolyq ári sapaly oryndaýǵa tiis ekeni eskertildi.
Departament aldaǵy ýaqytta da tutynýshylardyń quqyqtaryn qorǵaý baǵytyndaǵy jumysty jalǵastyratynyn málimdedi.
Aita keteiik, Qazaqstanda basy daýǵa qalǵan reseilik ánshi Akmal Hodjaniiazov Resei áskerin qoldap, jergilikti basylymǵa suhbat bergen.
