Senator Andrei Lýkin jasyl jelekti kesýdi zań júzinde retteýdegi olqylyqtar týraly aitty, dep habarlaidy QazAqparat.
Depýtat vitse-premer Roman Skliardyń atyna joldaǵan depýtattyq saýalynda osy saladaǵy zańnamany jetildirý qajettigi týraly másele kóterdi.
Andrei Lýkin sońǵy birneshe jylda buqaralyq aqparat quraldarynda jappai zańsyz aǵash kesý týraly aqparat jii paida bola bastaǵanyn atap ótti.
2020 jyly Almaty qalasynda Qyzyl kitapqa engen emen aǵashtarynyń kesilýi, Shymkent qalasynda avtojoldardyń qurylysy kezinde ruqsatsyz jáne ótemaqysyz 2 myńnan astam aǵash pen tal-butanyń otalýy jurtshylyq arasynda ashý-yza týǵyzǵan bolatyn. Orman kodeksindegi qoldanystaǵy erejeler aǵashtar men butalardy kesilýden jetkilikti túrde qorǵai almaidy.
«Erejelerdi buzǵany nemese aǵashtar men butalardy zańsyz keskeni, joiǵany nemese zaqymdaǵany úshin ákimshilik jaýapkershilik qarastyrylǵan. Adamdardy ákimshilik jaýapkershilikke tartý úshin kelgen zalaldy anyqtaý qajet. Bul rette, zalaldy esepteý úshin ýákiletti organ belgilenbegen jáne zalaldy anyqtaý ádistemesi jasalmaǵan, sondyqtan kináli adamdar jazasyz qalyp otyr», - dedi Andrei Lýkin.
Senator osyǵan bailanysty zańnamany jetildirý máselesine Ministrler kabineti músheleriniń nazaryn aýdaryp, Qyzyl kitapqa engen aǵashtardy kesýge ruqsat berýdi erejelerden alyp tastaýdy surady.
