«Jas ulan» biryńǵai balalar men jasóspirimder uiymy indet órshigen qazirgi ahýalǵa bailanysty jańa chellendj bastady, dep habarlaidy "Ult aqparat".
«Qazirgi jaǵdaida elý jastan asqan adamdardyń virýs juqtyrý yqtimaldyǵy joǵary. Ómirge kelgen kúnnen bastap analarymyz bizge ózderiniń meiirimin kórsetýde. Álemdegi eń qymbat adam – ana. Osyndai qiyn kezeńde biz jaqyndarymyzǵa qoldaý kórsetýimiz kerek. Osyǵan orai «Jas ulan» biryńǵai balalar men jasóspirimder uiymy «#AnashymMaskaTaqtyńyzBa» atty respýblikalyq chellendjdi bastaidy. Atalmysh chellendjdi «Balapan» arnasyna, belgili bloger Aminka-vitaminkaǵa, ánshi Erjan Maksimge, egizder Adina men Mádinaǵa jáne barsha jasulandyqtarǵa joldaimyn. Ózińizge jáne jaqyndaryńyzǵa qamqor bolyńyzdar. Maska taǵyńyzdar. Aýyrmańyzdar», dep jazdy «Jas ulan» biryńǵai balalar men jasóspirimder uiymynyń tóraiymy Sádýaqasova Dinara jelidegi paraqshasynda.
Chellendjge qatysý úshin maska taqqan anańyzben birge túsken sýretti nemese videony áleýmettik jelilerge jariialyp, #AnashymMaskaTaqtyńyzBa heshtegin qoiý qajet.
