Qazaqstandyq jas ánshi Erjan Maksim áleýmettik jelide #AnashymMaskaTaqtyńyzBa chellendjine qoldaý bildirdi, dep habarlaidy "Ult aqparat".
Buǵan deiin «Jas ulan» biryńǵai balalar men jasóspirimder uiymynyń indet órshigen qazirgi ahýalǵa bailanysty jańa chellendj bastaǵany habarlanǵan edi.
Chellendjge qatysý úshin áleýmettik jelide anańyzben birge maska taǵyp túsken sýretti nemese videony jariialap, #AnashymMaskaTaqtyńyzBa heshtegin qoiyp, @jasulan_qz paraqshasyn belgileý qajet.
«Men «Jas ulan» biryńǵai balalar men jasóspirimder uiymynyń #AnashymMaskaTaqtyńyzBa chellendjin qoldaimyn. Dostar, sizderdi de analarymyz ben jaqyndarymyzdyń qamqorlyǵy úshin uiymdastyrylǵan chellendjge qosylýǵa shaqyramyn», - dep jazdy jas ánshi Instagram paraqshasynda.
Erjan Maksim chellendjdi «Golos deti» shoýynyń jetinshi maýsymyna qatysqan Mirjan Jidebaiǵa, bloger Aminka-Vitaminkaǵa jáne ánshi Janar Duǵalovaǵa joldady.
