Foto: parlam.kz
Májilis depýtaty Anas Baqqojaev sheneýnikterdiń bedeliniń túsip ketkenin aitady dep habarlaidy "Ult Aqparat" ADAL_adam iýtýb arnasyna silteme jasap.
"Sheneýnikterdiń imidjin kótere almai kelemiz. Mantiianyń jaman bir imidji bar, sheneýnik - demek ol ońbaǵan, ol osyndai, ol jemqor degen jaman oi qalyptasqan. Ol oi neden týyndaidy? Sebebi halyq kelip, "dál osy máseleni shesh" dep talap etken kezde, ol beishara sheshe almaidy. Nege sheshe almaidy? Batyldyq alyp, birdeńeni jasap qoisa "qurysyn erteń antikor keledi, anaý keledi, mynaý keledi" deidi de, "men aýlaqpyn" deidi. Ekinshi, goszakýpki deidi, ony kútedi. Bir apta júredi, bir ai júredi, sonymen halyq oǵan senbeidi. Bul túk sheshpeitin ákim. Biz osylai sońǵy otyz jylda ákimderdiń imidjin ábden qurttyq. Qazaqta sóz bar, "jylan shaqqan - ala jipten qorqady" deidi. Sheneýnikter ábden úrkip qalǵan", -deidi Anas Baqqojaev.
