Áleýmettik jelide er adam Qaraǵandy oblysynda 20 jyl boiy eńbek quldyǵynda bolǵanyn málimdegen videohabarlama tarap jatyr, - dep habarlaidy Tengrinews.kz tilshisi.
Videoǵa ózin Aleksei Aleksandrovich Kotov dep tanystyrǵan orta jastaǵy er adam túsirilgen. Kadrlarda ol Resei Federatsiiasy Iaroslavl oblysynyń týmasy ekenin aitady.
"Ana, áke, men 20 jyl boiy tutqyndamyn. Qolyńyzdan kelse, Qazaqstannan shyǵýyma kómektesińdershi. Qaraǵandy oblysy, Aqjal aýyly, Muhtar qystaýy. Áke, qolyńnan kelse kómektes", - deidi er adam videoda.
Bul rette er adam qystaý ornalasqan naqty jer men iesiniń atyn ataidy. Derek boiynsha tergeý amaldary júrgizilip jatyr. Kúdikti qamaýǵa alynǵan.
"Qaraǵandy oblysy IID Kriminaldyq politsiia basqarmasynyń qyzmetkerleri áleýmettik jelilerge monitoring júrgizý barysynda er adam ózin Qaraǵandy oblysyndaǵy qystaýlardyń birinde tutqynda bolǵanyn aitqany anyqtaldy. Derekke qatysty Qazaqstan Respýblikasy Qylmystyq kodeksiniń 126-baby "Zańsyz bas bostandyǵynan aiyrý" boiynsha sotaldy tergep-tekserý bastaldy. Jedel izdestirý is-sharalary barysynda Shet aýdanynyń politseileri Resei Federatsiiasynyń azamaty 44 jastaǵy er adamdy anyqtady. Ol 20 jyl boiy 44 jastaǵy jergilikti turǵynnyń zańsyz qanaýyna shydap kelgenin jáne májbúrli jumysqa tartylǵanyn túsindirdi. Qazirgi ýaqytta kúdikti qamaýǵa alynyp, tergeý amaldary júrgizilip jatyr", - dedi oblystyq politsiia departamenti bastyǵynyń orynbasary Ábil Ábildin.
