"Bul eshteńege uqsamaityn apat boldy, kórgenimdi sózben jetkize almai otyrmyn, - dedi Beshir baspasóz konferentsiiasynda. – Kentýkkide 100-den asa adam qaza tapqan bolýy múmkin".
Kentýkkidegi stihiialy apatta bárinen buryn Greivs okrýgi men onyń ákimshilik ortalyǵy Meifild zardap shekken. Alapat daýyl Hopkins okrýginde poiyzdy relsten shyǵaryp jibergen.
Qansha adamnyń úiindi astynda qalǵany ázirge belgisiz, jergilikti qutqarýshylardyń Facebook áleýmettik jelisine jazǵanyna qaraǵanda zardap shekkender áli de kóp.
AQSh-tyń ulttyq meteorologiialyq qyzmeti birneshe shtatta, sonyń ishinde Arkanzas, Tennessi, Missýri jáne Illinois shtattarynda tornado bolatyny jaily eskertken.
"Zardap shekkenderdi izdestirý men qalpyna keltirý jumystaryna Ulttyq gvardiianyń 189 qyzmetkeri tartyldy" dep habarlaidy gýbernator. Al, AQSh prezidenti Djo Baiden Kentýkki shtatynda tótenshe jaǵdai jariialady.
